د روسيې ولسمشر ولاديمير پوتين په يوه مرکه کې ويلي، مسکو د بيجنګ د هغه پلان ملاتړ کوي چې د اوکراين دوه کلن کړکيچ د سولييز حل په موخه يې وړاندې کوي
د رويټرز خبري اژانس د راپور له مخې، نوموړی به سبا بېجنګ ته سفر وکړي
پوتين ويلي، بيجنګ د دغه کړکېچ په اړه پوره معلومات لري.
ده د چين ته له سفر وړاندې د دغه له شینهوا خبري اژانس سره په خبرو کې ويلي، هېواد يې د دوه کلنې شخړې د هواري په موخه خبرو ته چمتو دی.
کرملين ماڼۍ د پوتين له خولې په يوه خبر کې ويلي، ««مونږ د اوکراين د حل په موخه د چين د چلند په اړه مثبته ارزونه کوو»»
پوتين داسې مهال چین ته سفر کوي چې تازه د امريکا د بهرنيو چارو وزير انټوني بلېنکن د اوکراين پلازمېنې کېف ښار ته تللی او هلته يې د اوکراين له ولسمشر زيلنسکي سره ليدلي دي.
ده د خپل سفر موخه د روسيې پر وړاندې له اوکراين څخه ملاتړ ياد کړی دی.
ده همداراز له زيلنسکي سره په ليدنه کې ويلي، د دغه هېواد کانګرس له اوکراين سره ۶۱ مليارده اوږد مهاله مرسته هم اعلان کړې ده.
د روسيې او د اوکراين د کړکېچ دوه کاله پوره شول، خو لا يې هم کومه نتیجه نده ورکړې هغه چې ولسمشر پوتین چين ته په خپل وروستي سفر کې له اوکراين سره د کړکېچ د حل په موخه د خبرو کولو اراده کړې ده.
