د امریکا ولسمشر جوبایډن ملت ته په خپله کلنۍ وینا کې یو وار بیا له اوکراین څخه خپل ملاتړ اعلان کړ.
نوموړي ویلي، اوکراین ته به وسلې او نور تجهیزات ورکوي، اوږه په اوږه به ورسره ودریږي او په دې ډول به د پوتین د یرغل مخه نیسي.
هغه په خپلو خبرو کې ویلي چې پوتین ته یې پیغام ساده دی، نه په شا کېږي او نه به هم سرټیټ کړي.
د بایډن په خبره، که دوی په شا شول؛ نو اروپا او ټوله ازاده نړۍ به له خطر سره مخ شي او هغه کسان به زړه وکړي، چې دوی ته زیان رسوي.
هغه تر دې وړاندې هم ویلي وو، چې د روسیې د یرغل تر پای پورې به له اوکراین سره مرستې جاري ساتي.
