د روسيې ولسمشر ولادیمیر پوتین وایي، روسیه به په اوکراین کې هغه وخت خپله جګړه پای ته ورسوي چې د کییف ټولې څلور سيمې دونیتسک، لوهانسک، خرسون او زاپوریژهیا رورسیې ته تسلیم کړي.
پوتين ويلي، له اوکراين سره سوله يو ساده کار دی او که له ناټو سره خپلې اړيکې پرې کړي هممهاله به مسکو په اوکراين کې د اوربند امر وکړي.
د پوتین د خبرو په غبرګون کې د اوکراین د ولسمشر سلاکار میخایلو پودولیاک د کییف پر متحدینو غږ کړي چې د روسیې وړاندیزونه دې په جدي توګه له پامه وغورځوي.
نوموړي ویلي د پوتین شرایط "عقل ته سپکاوی" دی.
دا په داسې حال کې ده چې تېره ورځ د سلو هېوادنو مشرانو د روسیې او اوکراین سولې لپاره په سیویس کې ګډ کنفرانس جوړ کړی وو.
