خبريال: فرمان الله زبيرزی
د اروپایي کمیسون مرستیالې کایا کالاس ویلي، چې اروپايي ټولنه ښايي ایرانی رژیم د لاریونکوو د سخت ځپلو له امله پر ایران نوې بندیزونه ولګوي.
کایا له پولیتیکو خبرې اژانس سره په مرکه کې ویلي، اروپايي ټولنې لا له وړاندې پر ایران پراخ بندیزونه لګولي دي.
نوموړې همداراز ویلي، دایران مذهبي مشر ایت الله خامنه یې هغه کس دی، چې د بشري حقونو د سرغړونو، اټومي بم جوړول ، او د اوکراین پر وړاندې د روسیې د جګړې د ملاتړ مسؤل دی.
کایا پر وینا، چمتو یم، چې د لاریونونو د وحشیانه ځپلو په غبرګون کې د دغه رژیم پر وړاندې اروپايي ټولنې ته د نورو بندیزونو وړاندیز هم وکړم.
