کابل (کوه نور، ۳۱ اسد ۱۴۰۴):
د کراچۍ ښار په صدر کې د پټاکیو یوه ګودام کې چاودنه شوې چې له امله یې لږ تر لږه ۳۷ کسانو ته مرګ ژوبله اوښتې ده.
یو شمېر با خبره سرچینو کوه نور ته ویلي، د پټاکیو په دې ګودام کې لومړی چاودنه رامنځته شوې او ورپسې اور لګېدلی چې په پایله کې یې پنځه تنه وژل شوي او ۳۲ نور ټپیان شوي دي.
د ځایې سرچینو د مالوماتو له مخې، د دې پېښې تور د ګودام پر مالک حنیف او محمد ایوب باندې لګول شوی چې تورن حنیف په روغتون کې تر درملنې لاندې دی.
سرچینو همدارنګه ویلي، دا پېښه د تاج کمپلیکس مخې ته د "الامنه پلازې" د بیسمنټ په ګودام کې ماسپښین مهال رامنځته شوې وه.
ځایې سرچینو کوه نور ته ویلي، د اور د شدت له امله د پېښې ځای ته نږدې ښوونځي او ودانیو هم زیانمنې شوې او د یوه مړي جسد له کنډوالو څخه را ویستل شوی دی.
