د کندهار ولايت مقام څخه په يوه خپره شوې خبر پاڼه کې راغلي، له دې وروسته په دغه ولايت کې د بهرنيو اسعارو راکړه ورکړه په مطلق ډول بنده شوه.
د کندهار والي مرستيال مولوي حيات الله ويلي، دغه پرېکړه یې د هېواد د اقتصاد د پراختيا په موخه کړې.
خبر پانه زیاتوي، د دغه کار د مخنيوي په موخه يې دوه کمېټې جوړې کړي تر څو د بهرنيو اسعارو د استعمال مخه ونيسي.
د افغانستان بانک څه موده وړاندې اعلان وکړ، چې ډېر ژر به د هېواد په ټولو ولايتونو کې د بهرنيو اسعارو پر استعمال کلک بنديز ولګوي.
په دې وروستيو کې د افغانيو ارزښت د بهرنيو اثارو په وړانډې د پام وړ زياتوالی موندلی، چې لامل يې په راکړه ورکړه کې د افغانيو استعمال بلل کيږي.
سوداګر هم د حکومت له دغې پريکړې خوښ دي او وايي چې په هېواد دننه د بهرنيو اثارو راکړه ورکړه د افغانيو ارزښت ته زيان رسوي.
دغه پرېکړه داسې مهال کيږي، چې لا هم د ننګرهار په شمول په ګڼو ولايتونو کې کلدارې د راکړې ورکړې په توګه کاريږي.
