ڪابل (کوه نور، ۲۴ لیندۍ ۱۴۰۴): د کلمبیا شمال کې د زدهکوونکو یو بس چپه شوی، چې له امله یې لږ تر لږه ۱۷ تنه مړه شوي او ۲۰ نور ټپیان شوي دي.
د رويټرز د راپور له مخې، دا پېښه تېره شپه رامنځته شوې، چې زدهکوونکي له یوه تفریحي سفره د راستانېدو په حال کې وو؛ خو بس له سړک نه اوښتی او یوې ژورې کندې ته لوېدلی دی.
د انتیوکیا د ایالت والي، اندرس جولیان، ویلي، یادو زدهکوونکو له دې پېښې وړاندې د فراغت مراسم د سمندر غاړې ته نمانځلي وو.
سرچینې ویلي، ځایي چارواکي او د بیړنیو مرستو ډلې د ټپیانو د ژغورلو او روغتونونو ته د انتقالولو هڅه کوي.
د کلمبیا د ملي لویو لارو ادارې د معلوماتو له مخې، یوازې د ۲۰۲۴ کال په اوږدو کې، په منځني ډول هره ورځ ۲۲ کسان د ټرافيکي پېښو له امله مړه شوي دي.
