ڪابل (ڪوه نور، ۹ جدي ۱۴۰۴): د شمالي کوریا دولتي رسنیو خبر ورکړی، چې د یاد هېواد مشر کیم جونګ اون د اوږده واټن ویشتونکو کروز توغندیو د توغولو شېبې ننداره کړې ده.
د یاد هېواد دولتي خبري اژانس KCNA ویلي، دا توغندویي ازموینه د هغه پرلهپسې فعالیتونو یوه برخه ده، چې کیم یې د خپل پوځ او اقتصاد د پرمختګ ښودلو لپاره ترسره کوي؛ ترڅو د ۲۰۲۶ ڪال په پیل کې د راتلونکي مهم ګوند کانګرس ته چمتوالی وښيي.
د KCNA پر وینا، کیم د یکشنبې په ورځ د توغندیو د دقیقې الوتنې او هدف ویشتلو پر مهال ډېره خوښي څرګنده کړې ده.
د سرچینو د مالوماتو له مخې، دا توغندي د کوریا ټاپووزمې لوېدیځو اوبو ته پورته الوتي وو او خپل ټاکلی هدف یې ویشتلی دی.
د شمالي کوریا مشر کیم جونګ اون ژمنه کړې، چې هېواد به یې د خپل اټومي جنګي ځواک د "نامحدوده" پراختیا لپاره خپل ټول توان کاروي.
