ڪابل (ڪوه نور، ۸ جدي ۱۴۰۴): د ملګرو ملتونو سرمنشي انتونیو ګوترېش د نوي کال په مناسبت خپل پیغام کې له نړۍ غوښتي، چې په ۲۰۲۶ کال کې خپل لومړیتوبونه له سره وارزوي او پر انساني او چاپېریالي مسایلو ډېر تمرکز وکړي.
ګوټرېش نن دوشنبه، د ډسمبر ۲۹مه، پر ایکس پاڼه لیکلي، چې نړۍ باید د جګړو پر ځای د فقر پر ضد مبارزې کې پانګونه زیاته کړي.
هغه له ټولو هېوادونو غوښتي، چې د ځمکې د شفا لپاره او د یوه عادلانه او سولهییز راتلونکي د تضمین په موخه ګډ کار وکړي.
د یادونې وړ ده، چې هغه د خپل پیغام په پای کې ټولو خلکو ته د ۲۰۲۶ میلادي کال د سولې او آرامۍ هیله کړې ده.
