افغانستان تېر کال له ۱۲ ميليارده ډالرو ډېره سوداګریزه راکړه ـ ورکړه کړې

صنعت او سوداګرۍ وزارت مسوولان وايي، تېر ۲۰۲۴ زيږديز کال د افغانستان او نورو هېوادونو ترمنځ د ۱۲ ميليارده او ۴۲۲ ميليونه ډالرو په ارزښت سوداګريزه راکړه ـ ورکړه شوې ده.

د‌ دغه وزارت ویاند ويلي، په ياده راکړه ـ ورکړه کې يو ميليارد او اته ميليونه صادرات او لس ميليارده او ۶۱۹ ميليونه ډالر واردات شامل دي.

د سرچينې په خبره، ډېری صادارت هند، چین، ازبکستان، قزاقستان، ايران، متحده عربي امارات او ترکيې ته دغه راز بیا واردات بیا له هند، چین پاکستان او ځينو نورو هېوادونو څخه شوي‌ دي.