د سرپرست حکومت وياند ملي تلويزيون ته په يو غږيز پيغام کې ويلي چې د خیبر پښتونخوا په بشام کې څو مياشتې وړاندې پر چينايي انجينرانو شوی بريد په افغان حکومت پورې اړه نلري.
مجاهد ویلي، د پاکستان له لوري پرلپسې دغه ډول تورونه د دواړو لوريو اړيکې ترينګلې کولای شي.
ده وويلي، پاکستان دې خپلې امنيتي کمزورتياوې پخپله حل کړي.
ذبیح الله مجاهد دا څرګندونې په داسې حال کې کوي چې تر دې وړاندې د پاکستان د پوځ مشر عاصم منیر ویلي چې د دوی دښمنان په افغانستان کې پټ دي.
پ وړمه ورځ د پاکستان د کورنیو چارو وزارت مرستیال هم کابل ته په خپل سفر کې له افغان چارواکو سره د خیبر پښتونخوا په بشام کې پر چينايي اینجنرانو د برید په اړه مالومات شریک کړي او دغه راز يې غوښتنه کړې وه چې په صفري نقطعو کې دې د امنيت ټينګولو په برخه کې همکاري وکړي.
