افغان کرکټ ملي لوبډلې له ايرلينډ څخه د درې پنځوس اوريزه لوبو لوبلړۍ دوه صفر وګټله او د يادې لوبلړۍ يوه لوبه د باران له امله بې پايلې پای ته ورسېده.
د دې لوبلړۍ وروستۍ لوبه تېره ورځ په شارجه کرکټ لوبغالي کې ترسره شوه.
ياده لوبه کې ايرلينډ د لوبې ټاس وګټه او افغان لوبډلې ته يې د توپوهنې بلنه ورکړه.
افغان لوبډلې د نهه لوبغاړو په سوځېدو ۲۳۶ منډې جوړې کړې.
سیالې لوبډلې د ټولو لوبغاړو په سوځېدو ۱۱۹ منډې وکړې او لوبه يې د ۱۱۷ منډو په توپير افغان لوبډلې ته بايلوده.
د لوبې غوره لوبغاړی محمد نبي او د لوبلړۍ غوره لوبغاړی بیا رحمن الله ګربز اعلان شو، چې نوموړي خپله جايزه ننګيالي خروټي ته ډالۍ کړه.
ننګيالي خروټي د خپل لوبييز ژوند لومړۍ يو ورځنۍ سیالۍ کې د څلور ويکټې واخيستې.
د يادونې وړ ده، چې افغان ملي لوبډله به له ايرلينډ سره د درې شل اوريزه لوبو لوبلړۍ هم ولري.
