د اقتصاد وزارت مسوولانو نن د يوه کال لاسته راوړنې په يوه خبري کنفرانس کې شريکې کړي دي
د دغه وزارت مسلکي مرستيال عبدالطيف نظري ويلي، له خصوصي سکټور څخه ملاتړ د حکومت له لومړيتوبونو څخه دی.
د سرچينې په خبره، په تېر يوه کال کې د بهرنيو او کورنيو موسسو لخوا د بشري او بېړنيو مرستو د پراختيا په موخه ۲۱۹۴ پروژې پلې شوي چې پکې له ۲۰۰۰ ډېرو کسانو ته د کار کولو زمينه برابره شوې ده.
د ياد وزارت د معلوماتو له مخې، اوسمهال په ټول هېواد کې ۲۴۷۷ غير دولتي مؤسسې فعاليت کوي چې له جملې يې ۲۱۹۹ کورنۍ او ۲۷۸ يې بهرنۍ دي.
سرچينې دغه راز ويلي، په همدې موده کې يې ۱۰۴۷ کورنيو او بهرنيو موسسو ته د ۲۴ ميليونه ډالرو په ارزښت ګمرکي معافيت هم ورکړی دی.
