په اسلام اباد کې د روسیې سفیر البرت خوروف ویلي، مسکو له ترهګرۍ سره د مبارزې په برخه کې د افغانستان له اقداماتو ملاتړ کوي او په دې برخه کې لازمې مرستې ته چمتو دی.
نوموړي له تاس خبري اژانس سره په مرکه کې په پاکستان کې د ترهګرو د فعالیتونو پر زیاتوالي د روسیې اندېښنه هم څرګنده کړه او ټینګار یې وکړ چې هېواد یې له دغو امنیتي ګواښونو سره په مبارزه کې د اسلام اباد ملاتړ کوي.
خوارف په خپلو خبرو کې څرګنده کړه: «موږ له پاکستان او افغانستان سره رغنده همکارۍ ته ژمن یو».
خو نوموړي په دې اړه جزئیات ورنه کړل چې روسیه له ترهګرۍ سره د مبارزې په برخه کې له دغو دوو هېوادونو څنګه مرسته کوي.
