د احصایې او معلوماتو ملي ادارې ویلي، په متحده عربي اماراتو کې مېشتو افغانانو ته د لا ډېرو اسانتیاوو په موخه پرون د اسانخدمت له لوري د الکترونیکي تذکرو د وېش څانګه پرانېستل شوه.
په همدې موخه جوړه شوې غونډه کې د احصایې او معلوماتو ملي ادارې د الکترونیکي تذکرو د تخنیکي چارو د انسجام رییس، د آسانخدمت رییس، ملي سوداګرو او هلته مېشتو یو شمېر افغانانو ګډون کړی و.
ورته مهال د الکترونیکي تذکرو د تخنیکي چارو د انسجام رییس، بهر مېشتو افغانانو ته دالکترونیکي تذکرو د ویش اسانتیاوو رامنځته کول مهم ګام وباله.
دا په داسې حال کې ده چې په متحده عربي اماراتو کې مېشتو افغانانو ته د اسانتیا په موخه د اسان خدمت دا مرکز چې د الکترونیکي تذکرو، زېږون کارتونو، د مړینو پارچو وېش او د الکترونیکي تذکرو له وېش وروسته خدمتونه وړاندې کوي.
د یادونې وړ ده چې د احصایې او معلوماتو ملي ادارې ژمنه کړې چې په نورو بهرنیو هېوادونو کې به هم افغان کډوالو ته د اسانتیاوو په موخه د اسان خدمت مرکزونه پرانیزي.
