د اندونيزيايي رسنيو د راپورنو له مخې، د اندونيزيا حکومت له افغانستان سره د لس عشاريه څلور ميليونه امريکايي ډالرو په ارزښت د لس قلمه توکو مرسته کړې.
د راپورنو پر بنسټ په دغو مرستو کې درمل، خوراکي توکي او نور شامل دي.
دغه مرستې به په هېواد کې د طبيعي پېښو له امله په زيانمن شويو کسانو ووېشل شي.
د ياد هېواد ولسمشر ويلي، يادې مرستې يې له دې امله کړي ترڅو د طبيعي پېښو زيانمن شويو خلکو اړتياوې پوره شي.
بايد وويل شي چې تر دې وړاندې روسيی، قطر، ترکيې، ايران او ازبکستان په افغانستان کې د طبيعي پېښو له امله زيانمن شويو سره بشري مرستې کړې وې
