د افغان سرې مياشتې ټولنې په يوه خبر پاڼه کې ويلي، اندونيزيا په هرات کې د وروستيو طبيعي پېښو له زيانمنو شويو سره د نړۍوال فدراسيون په همکاري ۵۰ ټنه بشري مرسته کړې ده.
سرچينې ويلي، دغه بشري مرسته يې په کابل کې د سرې مياشتې ټولنې ته سپارلې ده.
خبر پاڼه کې راغلي، په دغه مرستو کې ۹ قلمه غیر خوراکي توکي شامل دي چې په نږدې راتلونکي به په زلزله ځپلو او نورو زيانمنو شويو ووېشل شي.
ياد هېواد څه موده وړاندې هم له افغانستان سره د ۱.۴ ميليونه امريکايي ډالرو په ارزښت بشري مرسته کړې وه.
د يادونې وړ ده چې د هېواد په ډېری ولايتونو کې خلک له طبيعي پېښو زيانمن شوي او له حکومت د مرستو غوښتنه کوي.
