د صنعت او سوداګرۍ سرپرست اوزبکستان ته د سفر په ترڅ کې د دغه هېواد له لومړي وزیر عبدالله عارفاف سره لیدلي دي.
یاد وزارت وایي، د اوزبکستان لومړي وزیر دې لیدنه کې ویلي چې هېواد یې په مستقیم ډول د سرخان دریا - پلخمري برېښنا مزي کابل ته پر لېږد سربېره، د حیرتان - هرات - سپینبولدک په اوسپنې پټلۍ پانګونې ته چمتو دی.
د سرچینه په وینا، دې لیدنه کې دغه راز د دواړو هېوادونو ترمنځ د سوداګرۍ په زیاتوالي او د افغانستان په بېلابېلو برخو کې د اوزبکستان د پانګونې راجلبولو په تړاو خبرې شوې دي.
ورته مهال د اوزبیکستان لومړي وزیر زیاته کړې چې نږدې راتلونکی به د یوه لوړ پوړي پلاوي په مشرۍ کابل ته سفر وکړي.
