د بلوچستان د اطلاعاتو وزير جان اڅکزی وايي، که چيرې پر پاکستان بريد کېږي، افغانان په کې لاس لري او غچ به يې هم له همدوی اخلي.
اڅکزي د تېرې شپې هوايي برید ته په اشاره پر خپله اېکسپانه ليکلي، د مير علي سيمې د حملې غچ يې چې پنځه پاکستاني پوځيان په کې ووژل شول، په افغانستان کې دننه له ترهګرو واخيست.
هغه ويلي، سرپرست حکومت دې پاکستان ته د امريکا فکر نه کوي او د يو پاکستاني ژوند له ټول افغانستان څخه ارزښتمند دی.
د پاکستان شمالي وزيرستان مير علي سيمه کې دوه ورځې وړاندې ټيtپي ډلې بريد وکړ چې له امله يې پنځه پاکستاني پوځيان ووژل شول.
پاکستان په دې موخه چې د دغه برید له ترسره کوونکو غچ واخلي، تېره شپه یې د افغانستان په درېيو ولايتونو پکتيا، خوست او کونړ کې هوايي بريدونه ترسره کړه.
نن سهار پاکستاني رسنيو داسې راپورونه ورکړل چې ګواکې د پکتيا برمل ولسوالي کې يې د ټيtپي ډلې قوماندان عبدالله شاه وژلی دی.
خو د ټيtپي ډلې قوماندان په يو ويډيويي پيغام کې دغې اوازې بې احساسه بللې دي او وايي، په جنوبي وزيرستان کې دی.
د سرپرست حکومت وياند د دغو بريدونو په غبرګون کې ويلي، دا د افغانستان پر خاوره تېری دی او پاکستان دې د خپلو نا امنیو پړه په افغانستان نه اچوي.
هغه خبرداري ورکړی، د پاکستان دغه کړنه به ډیرې ناوړې پايلې ولري چې کابو کول به یې د پاکستان له وسې بهر وي.
د يادو هوايي بريدونو له کبله د پکتيکا په برمل ولسوالۍ کې د درېيو ماشومانو په ګډون شپږ او د خوست په سپيرې ولسوالۍ کې دوه مېرمنې وژل شوي دي.
