له ارګ څخه په يوه خپره شوې خبرپاڼه کې راغلي، کابل کې د بریټانيا شارزدافير د ريس الوزرا له سياسي مرستيال سره ليدلي دي.
په دغه ليدنه کې د ياد هېواد شارزدافير رابرټ چټرټن ډيکسن ويلي، لندن له کابل سره ښو اړيکو ته لېواله دی او غواړي د افغانانو د هوساينې په موخه له سرپرست حکومت سره ګډ کار وکړي.
نوموړي همداراز زياته کړې، هېواد يې هوډ لري چې له افغانستان سره خپلې بشري مرستې نورې هم ډېرې کړي.
ورته مهال بیا سیاسي مرستيال ويلي، افغانستان کې خپلواک حکومت رامنځته شوی او د نشه يي توکو قاچاق په بشپړه توګه له منځه تللی.
ده همداراز ډاډ ورکړی چې له افغانستان څخه هېڅ کوم هېواد ته خطر نشته.
کابل کې د برتانيا شارزدافير داسې مهال د بشري مرستو د ډېروالي خبره کوي چې تازه ياد هېواد له افغانستان سره يو عشاريه درې مليونه ډالره بشري مرسته کړې.
