بهرنيو چارو وزارت خبر ورکړی چې م.ا.م د بنديانو په چارو کې د امریکا د ولسمشر ډونالډ ټرمپ له ځانګړي استازي اډم بولر چې د د خليلزاد په ګډون د يوه پلاوي په مشري کابل ته راغلی دي، ليدلي دي.
سرچينې ليکلي، په دغه ليدنه کې پر دوه اړخيزو اړيکو، د اتباعو په مسايلو او افغانستان کې پر پانګونې خبرې شوي دي.
دغه ليدنه کې ټينګار شوی چې دواړو هېوادونه به خپلو هېوادونو کې د شته بندیانو په اړه خبرو ته دوام ورکړي.
بهرنيو چارو وزير ټينګار کړی چې اوس يې وخت دی د دواړو هېوادونو ترمنځ شته پېچلي مسايل حل شي.
همدې حال کې بیا اډم بولر د هېواد ختيځ کې د زلزلې له امله د اوښتو تلفاتو په اړه خپله خواشینې څرګنده کړه او تسلیت يې ویلی دی.
ياده دې وي چې څو ورځې وړاندې د امريکا ولسمشر د افغانستان په ګډون پر هغه هېوادونو د بنديز لګولو خبره کړې وه چې امريکايي وګړي پکې بنديان دي.
