د ملي تدارکاتو کمېسيون د يوولس ميليارده افغانيو په ارزښت مختلفې پروژې منظور کړې
د رياست الوزراء اقتصادي معاونيت پر خپله اېکس پاڼه ليکلي، د اجنډا مطابق يې نن د ۲۹ بېلابېلو پروژو له ډلې ۲۴ منظور ۴ لغوه او د يوې پروژې په اړه يې کمېټې ته دنده سپارلې تر څو له ارزونې وروسته يې له اقتصادي معاونيت سره شریکه کړي.
دغه قراردادونه نن د اقتصادي مرستيال په مشري د يوې غونډې په جوړېدو سره منظور شوي.
يادو قراردادونو کې د کابل _ کندهار د لويې لارې د پاتې چارو بشپړول، د نورستان _ کنړ د تخريب شويو ساحو بیا رغونه، په مختلفو ولايتونو کې د برېښنا شرکت اړوند پروژې، د ملي دفاع وزارت اړوند قطعاتو ته د هغوی د اړتيا وړ توکي برابرول او نورې ګڼې پروژې شاملې دي چې په پیلېدو سره به يې سلګونه تنو ته د کار کولو زمينه برابره شي.
سرچينه زياتوي، يوې کمېټې ته دنده سپارل شوې چې د يادو پروژې په هر اړخيز ډول له څېړل کېدو وروسته يې راپور له اقتصادي معاونيت سره شريک کړي.
