د احصايې او مالوماتو ملي ادارې د روان لمريز کال د تېرې جدي مياشتې ارقام اعلان کړي.
د دغې ادارې د مالوماتو له مخې تېره مياشت له افغانستان څخه د ۱۴.۹ ميليون ډالرو په ارزښت صادرات او د ۷۸۵.۴ ميليون ډالرو په ارزښت بيا واردات شوي دي.
يادې ادارې همداراز ويلي، د تیر کال د جدي مياشتې په پرتله يې په صادراتو کې ۱.۲ ميليون ډالره زياتوالی راغلی.
وايي، تېر کال مو په همدې مياشت کې ۱۴.۷ ميليون ډالره صادرات درلودل.
همداراز د وارداتو په برخه کې هم ۹۸.۷ ميليونه ډالره ډېروالی راغلی.
د دغې ادارې د شمېرو له مخې ډېر صادرات يې د روان کال په جدي مياشت او همدا ډول د تېر کال په جدي مياشت کې پاکستان، هند او متحده عربي اماراتو ته کړي وو.
همداراز بیا د تیر او سږ کال په همدې مياشت کې ډېر واردات له پاکستان، چين او ايران څخه شوي دي.
