احصايې او معلوماتو ملي ادارې د تېرې جدي مياشت کې ۲ زره ۴۵۴ بهرنيو وګړو تګ - راتګ ثبت کړی دی.
دغې ادارې په يوه خبر پاڼه کې ویلي، ياد کسان د هوايي ډګرونو او ځمکنيو بندرونو له لارې هېواد ته راغلي دي.
د ددغې ادارې د معلوماتو له مخې، د ۴۳ ښځو په ګډون ۱۳۱۶ بهرني وګړي هېواد ته راغلي او د ۲۶ ښځو په ګډون ۱۱۳۸ نور بیا له هېواد څخه وتلي دي.
سرچینې ويلي، له ياد شمېر کسانو یې ۱۲۹۶ د ځمکنيو بندرونو او شل تنه نور بیا د هوا له لارې هېواد ته راغلي دي.
وړاندې ليکل شوي، ۱۹۹ تنه د تاريخي سیمو د ليدنو په موخه او پاتې نور بیا د کار کولو په موخه راغلي دي.
د يادونې ده چې دغه کسان د هرات هوايي ډګر او بندر، فارياب اقينې بندر، نيمروز بندر او تورخم بندر له لارې هېواد ته راغلي دي.
