ټولګټو وزارت ویاند محمد اشرف حق شناس وایي، د تېر ۱۴۰۳ هـ.ش. کال د حوت مياشتې له پيله تر پايه ۳۵۸ زره ۸۵ مټریک ټنه انتقالات شوي دي.
د نوموړی د معلوماتو له مخې، د حیرتان بندر له لارې ۲۷۴زره ۸۵۲ ټنه، د آقینې بندر له لارې ۱۴زره ۷۲۷ ټنه، د تورغونډۍ بندر له لارې ۵۲زره۴۸۳ ټنه او د خواف-هرات له لارې ۱۶۰زره۲۳ ټنه، چې مجموعاً ۳۵۸زره۸۵ ټنه نفتي، غیر نفتي او نور مواد دي، هېواد ته وارد او صادر شوي دي.
حق شناس ویلي، د انتقالاتو له ډلې یوه برخه ټرانزيټ او صادرات دي چې په حوت مياشت کې ۱۹زره ۸۸۰ ټنه صادرات او ترانزیت شوي چې لویه برخه یې وچه مېوه، کينو، کچالو او د انارو جوس دي.
