احصايې او معلوماتو ملي ادارې پر اېکس پاڼه ليکلي، د ۱۴۰۳ لمريز کال تېره جدي مياشت کې د هېواد په کچه د صادارتو ارزښت ۱۶۲.۲ ميليونه ډالر ښودل شوی دی.
د يادې ادارې د خبر پاڼې له مخې، په همدې موده کې بیا د وارداتو کچه يو ميليارد او سه باندې ۹۷ ميليونه ډالر ښودل شوې ده.
وړاندې ليکل شوي، د صادراتو اندازه د همدې کال په قوس مياشت کې ۱۹۰.۲ ميليونه ډالرو ته رسېده چې ددې مياشتې صادرات يې په پرتله ۲۸ ميليونه کم دي.
ورته مهال بیا په وارداتو کې ۵۵.۷ ميليونه ډالر زياتوالی راغلی دی.
سرچینې ليکلي، ترټولو ډېر صادرات پاکستان، هند او متحده عربي اماراتو ته شوي دي.
خبر پاڼه زياتوي، په همدې موده کې تر ټولو ډېر واردات بیا له ایران، پاکستان، متحده عربي اماراتو، ايران، پاکستان او چین څخه شوي دي.
