د افغانستان بانک پر خپله اېکس پاڼه خبر ورکړی چې دغه بانک غواړي د روانې چنګاښ مياشتې په پنځمه نېټه د (سه شنبې) په ورځ پنځلس ميليونه ډالر د ليلام په ډول وپلوري.
ياد بانک له سوداګريز بانکونو او د صرافي او پولو خدماتو له شرکتونو چې په شرايطو برابر وي، غوښتنه کړې ترڅو په دغه داوطلبي کې ګډون وکړي.
د سرچينې په خبره، په دغه داوطلبي کې ګډونوال بايد خپل حسابونه د د داوطلبي د ورځي تر پايه پاک کړي.
سرچيني ويلي، داوطلبي کې قسمي تسويې ته اجازه نه ورکول کيږي او د داوطلبي ګټونکي بايد د خپل ذمت د قيمت پیسې په يو ځل او نقدي ډول د افغانستان بانک ته وسپاري.
د افغانستان بانک له اوږدې مودې ځنډ وروسته يو ځل بيا ډالر ليلاموي.
