ټاکل شوې چې افغانستان بانک د افغانیو ارزښت ساتنې لپاره سبا ۱۷ میلیونه امریکایي ډالر د لیلام په ډول و پلوري.
یاد بانک له سوداګریزو بانکونو ، صرافۍ او د پولي خدمتونو له شرکتونو څخه، چې په شرایطو برابر وي؛ غوښتي چې په داوطلبۍ کې ګډون وکړي.
افغانستان بانک څخه په خپره شوې خبرپاڼه کې راغلي، د داوطلبۍ ګټوونکي اړ دي، څو خپل حسابونه د لیلام د ورځې تر پایه تصفیه کړي.
د یاد بانک مسؤلینو په وینا، د اسعارو د لیلام په داوطلبۍ کې د معاملاتو قسمي تسویې ته اجازه نه ورکول کېږي او داوطلبۍ ګټونکي اړ دي چې د خپل ذمت د قیمت پیسې په یو ځل په نغدي ډول په ټاکلي موده کې ادا کړي.
د یادونې ده، چې تر دې وړاندې هم د افغانیو ارزښت ساتنې لپاره ورته اقدامات شوي.
د افغانستان بانک مسؤلین وایي، د افغانیو پولي ثبات ساتلو لپاره هر راز هڅې کوي او تر دا مهاله په دې برخه کې بریالي دي
خبرياله: خاطره اکبري
