د ا.ا ویاند د پاکستان د دفاع وزیر خواجه اصف د وروستیو څرګندونو په غبرګون کې ویلي، پاکستان دې خپلې کورنۍ ستونزې پهخپله حل کړي.
نوموړی زیاته کړې: «افغانستان خپله ۴۰ کاله د جګړې قرباني و او خپله ستونزې لري خو دا چې پاکستان افغانستان د خپلو ستونزو سرچینه بولي غلطه خبره او له خپل مسوولیت څخه تېښته او د خپلو ناکامیو توجیه کول دي.»
د هغه په وینا، سرپرست حکومت چاته اجازه نه ورکوي چې د افغانستان خاوره د چا پر وړاندې وکاروي.
د یادونې وړ ده چې د پاکستان دفاع وزیر خواجه اصف د بيبيسي له اردو څانګې سره خبرو کې ویلي وو چې هېواد به یې له ترهګرۍ سره د مبارزې لپاره د نویو پوځي عملیاتو د یوې برخې په توګه پر افغانستان خپلو بریدونو ته دوام ورکړي.
