کابل (کوه نور، ۲۰ اسد ۱۴۰۴): د افغانستان د تکواندو فدراسیون خبر ورکړی چې ملي لوبډله د تکواندو په نړۍوالو ازادو سیالیو کې د ګډون کولو په موخه قزاقستان ته لاړه.
یاد فدراسیون پر خپله فسبوک پاڼه لیکلي، افغان لوبډله د ۱۳ لوبغاړو او دوه روزونکو په لرلو سره قزاقستان کې د تکواندو په ازادو نړۍوالو سیالیو کې د برخې اخیستلو لپاره دغه هېواد ته تللې ده.
دغه فدراسیون لیکلي، افغان لوبغاړي به په قزاستان کې په دوه ډلو " ځوانانو او لویانو" کې ولوبېږي.
د سرچینې پر وینا، د ځوانو لوبغاړو په ډله کې، فردوس بهاوي، تمیم الرحمان رحماني، محمد متین امیني، حکیم الدین عاکد، باسط صوفي زاده او سودیس سکندر لوبېږي.
سرچينې همدارنګه ویلي، د لویانو لوبغاړو په ډله کې بیا، احسام رحیمي، ازاد بایک نوروځي، محسن رضایې، همت الله زېن، بېژان صدرزاده، امید سهاک، محمد اشرف شکران او علي اکبر امیري لوبه ترسره کوي.
د یادونې وړ ده چې د دې لوبو په بهیر کې به د لویانو لوبډلې سیالۍ د روانې اګست میاشتې په ۱۴مه نېټه او د ځوانانو لوبډلې سیالۍ د همدې میاشتې په ۱۵مه نېټه پیل شي.
