دغه لوبه نن د سریلانکا په کوربهتوب همبنټوټا لوبغالي کې ترسره شوه چې افغانستان په ۲۷.۲ اورونو کې د ټولو لوبغاړو په سوځېدو سيالې لوبډلې ته ۱۲۲ منډې هدف ورکړ.
سريلنکا د DLS ميتود له مخې، په ۱۵.۲ اورونو کې د ۱۰۴ منډو په جوړولو افغان لوبډله له ماتې سره مخ کړه.
د سريلنکا الرونډر لوبغاړی کاميل ميشارا د لوبې د غوره لوبغاړو جايزه ترلاسه کړه.
د افغانستان له لوري، په توپاچونه کې سليم ساپي او قيس احمد يوه - يوه ویکټ ترلاسه کړه او په توپوهنه کې هم قيس احمد له نورو ډېرې په ۴۹ توپونو ۴۶ منډې جوړې کړې.
افغانستان د دغې لوبلړۍ په لومړۍ لوبه کې هم له سريلنکا ماتې خوړلې وه.
ټاکل شوې د يادو لوبډلو ترمنځ درېيمه لوبه د مارچ په دويمه نېټه پر همدې لوبغالي ترسره شي.
