د ماليې وزارت په يوه خپره شوې خبر پاڼه کې ويلي، د ۱۴۰۲ مالي کال لپاره يې ۱ مليارد او ۵۰۵ مليونه افغانيو په ارزښت پراختيايي بوديجه منظور کړې وه.
خبر پاڼه زياتوي، په پلي شويو پروژو کې د ګمرکونو د عصري کول( بیا رغونه، د برېښنايي سیستمونو رامنځته کول او د مسلکي ظرفيت لوړونې) د ملي بودیجې د پلان جوړونې اجرا، د ساتنې، سمون او پراختيا پروژې او ملي بودیجه شامل وو.
په خبر پاڼه کې همداراز راغلي، د سیستمونو ظرفيت لوړونه، د تکنالوژيکي وسائلو او دفتري تجهيزاتو برابرول، د ظرفيت لوړونې او عامه پوهاوي پروژو ترڅنګ د لمريزې برېښنا سيستم چمتو کول هم د يادو پراختيايي پروژو برخې وې.
د ياد وزارت د مالوماتو له مخې د دغو پروژو ځينې يې تکمیل شوي او ځيني هغه يې بیا تر کار لاندې دي.
