اقتصادي معاونيت ويلي، د ياد معاونيت سرپرست په مشري د تدارکاتو ملي کمېسيون په غونډه کې له ۲۴ پروژو ۱۴ منظوری، ۶ تعديل او د يوې پروژې قرارداد لغوه شو.
په منظور شويو او تعديل شويو پروژو کې د کابل _ کندهار لويې لارې بيا رغونه، په بېلابېلو ولايتونو کې د برېښنا شرکت اړوند د برېښنايي وسایلو چمتو کول، د کابل ښار ځينو سرکونو جوړول او نورې پروژې شاملې دي.
د ياد معاونيت په خبره، د تدارکاتو کمېسيون ته يې دنده سپارلې ترڅو د يوې پروژې قرارداد بیا ځل ازادې داوطلبي ته وړاندې او دغه راز د دوو نورو پروژو قراردادونه په هر اړخيز ډول و ارزوي او د ياد کمېسيون له مشرتابه سره دې يې شريک کړي.
سرچينې د يادو قراردادونو په اړه معلومات ندي ورکړي.
