د هرات حوزوي روغتون مسوولين وايي، دغه روغتون ته هره ورځ تر درې سوه په تنفسي ناروغې اخته کسان دغه روغتون ته راځي.
د دغه روغتون مسوولين وايي، ډ يادو ناروغانو په شمېر کې د تېر په پرتله ۲۵ سلنه ډېر والی راغلی.
وايي، ککړه هوا، وچکالي او د نشه يي توکو کارول د دغې ناروغۍ د پیدا کېدو لوی لاملونه دي.
ورته مهال بیا په دغه ناروغي اخته کسان وچکالي، دوړې او بادونه هم د دغې ناروغي د پېدا کېدو لاملونه بولي.
د دغه ولايت اوسېدونکي له حکومت غواړي ترڅو د ککړې هوا د مخنيوي لپاره لاس پکار شي.
د هرات مسوولين هم په دغه ولايت کې ککړه هوا مني او وايي د شنه کمربند لپاره هلې ځلې کوي.
د يادونې ده، چې هرات د افغانستان د لوي ولايتونو له جملې څخه دی چې له کابل وروسته د ډېرو نقليه وسايطو درلودونکی دی.
