د رياست الوزرا اقتصادي معاونيت پر خپله اېکسپاڼه ليکلي، د دغه معاونيت د سرپرست په شتون کې د ماليې وزارت او خصوصي سکتور له لوري د هېواد په دولس بندرونو کې د ۳۳ برېښنايي سکنرونو د نصبولو تړون لاسليک شو.
د سرچینې په خبره، قراردادي شرکت به د (تورخم، حيرتان، سپين بولدک، اسلامکلا، تورغونډۍ، نيمروز، ابونصر فراهي، خوست، پکتيا، اقينې او شېرخان) بندرونو کې د هر ډول توکو د سکن کولو په موخه برېښنايي سکنرونو نصب کړي.
وړاندې ليکل شوي، د دغه سکنرونو ساختماني چارې به په دوو کالونو کې بشپړې شي او دوه زره کسانو ته به پکې د کار کولو زمينه برابره شي.
د دغه تړون ارزښت اته میلیارده افغانۍ ښودل شوی دی.
د يادونې وړ ده چې د دغه سکنرونو د نصبولو تړون د بین الوزرارتي کمېټې له لوري تاييد شوی او د رياست الوزرا اقتصادي معاونيت له لوري تاييد شوی وو چې نن يې د نصبولو تړون لاسليک شو.
