دافغانستان لپاره د بریتانیا سفارت شارژدافیر رابرټ ډېکسن د ریاستالوزرا سیاسي معاونیت د دفتر له عمومي رییس مولوي ذاکر سره لیدلي.
دې لیدنه کې ډېکسن ویلي، لندن له سر پرست حکومت سره د نړۍ د اړیکو د پراخېدو په برخه کې همکاري کوي.
نوموړي دغه راز ویلي، لندن هڅه کوي څو له افغانستان سره د دوحې په درېیمه ناسته کې د همکارو بنسټونو او ښکېلو اړخونو له لوري شوې ژمنې عملي شي.
رابرټ ډېکسن ډاډ ورکړی چې برېتانیا به له افغانان سره د اقلیمي بدلون برخه کې تخنیکي او بشري مرستي وکړي.
ورته مهال مولوي ذاکر دغه راز ویلي، سرپرست حکومت چاته ستونزې نه جوړوي او هڅه کوي د سیمې او نړۍ په کچه د متوازن بهرني سیاست په رڼا کې له ټولو اړخونو سره سیاسي او اقتصادي اړیکې ولري.
