د افغانستان بانک مرستيال مولوي نوراحمد وايي، د تېر کال په پرتله سږ کال د ډالرو پر وړاندې د افغانيو ارزښت ۱۵.۴۲ سلنه لوړ شوی.
نوموړي همداراز ويلي، نوي بانکنوټونه يې چاپ کړي او ډېری هغه يې هېواد ته رالېږدول شوي هم دي.
دی وايي، نوي بانکونوټونه به د پولي سیاستونو له مخې له اړتيا سره سم په ټول هېواد کې وېشل کيږي.
نوموړی د ډالرو پر وړاندې د افغانيو د ارزښت لوړېدو خبره داسې مهال کوي چې د افغانستان بانک په وار _ وار د افغانيو د ارزښت د ساتلو په موخه مليونونه ډالر ليلاموي چې تازه سبا سه شنبه به هم ۱۷ ميليونه ډالر ليلام کړي.
د يادونې وړ ده چې له تېر يوه کال راهيسې د هېواد په پنځه زونونو کې ۴.۷ مليارده افغانيو په ارزښت زاړه بانکنوټونه له منځه وړل شوي.
