د رياست الوزرا اقتصادي معاونيت وايي، روان لمريز کال په هېواد کې د سوداګرۍ په کچه کې ډېروالی راغلی.
دغه رياست ويلي، سرپرست حکومت د سوداګرۍ په برخه کې ګڼې اسانتياوې برابرې کړي.
دغه رياست ويلي، د سوداګرۍ لپاره له بديلو لارو څخه کار اخيستل، د صادراتو ډېروالی، د سوداګرۍ خونو جوړولو، په خامو توکو د تعرفو کمول، د ملي او نړۍوالو نندارتونونو جوړول، د مالياتي جريمو معاف کول او همداراز په ګمرکونو کې ۲۴ ساعته خدمتونه وړاندې کول هغه څه دې چې روان کال يې په دغه هېواد کې د سوداګرۍ کچه لوړه کړې.
دغه رياست همداراز ويلي، په ګمرکونو کې برېښنايي خدماتو فعالول، د صنعتي پارکونو جوړول او د سيمې او ګاونډيو هېوادونو سره د سوداګريزو اړيکو پراختيا هم په دغه برخه کې مهم رول لوبولی.
