د عامې روغتیا وزارت خبر ورکړی، چې د دغه وزارت مسؤلینو د چین له استازو سره افغانستان کې د روغتايي همکاريو پر پراختيا خبرې کړي دي.
د ياد وزارت خبرپاڼه زياتوي، چې په دغه ناسته کې د دوديز طب مرکز جوړول، د طبیعي پېښو مدیریت، د روغتيايي کارکوونکو ظرفیت لوړونه، د ساري ناروغیو د څارنې او مخنیوي برخه کی د افغان متخصصینو د ظرفيت لوړول، افغانستان ته د چينايي متخصصینو رابلل او ورته نورو موضوعاتو باندې خبريې شوي دي.
سرچينه زياتوي، د غونډې په پای کې دافغان لوري لخوا هغه موضوعات چې په چین کې مطرح شوي، د افغانستان د سفارت له لارې به په بیجینګ کې له اړوندو ادارو سره شریک او تعقیب شي.
