د پاکستان کرکټ ملي لوبډلې پخواني لوبغاړي شاهد افريدي د افغانستان او بنګلاديش ترمنځ وروستۍ لوبې ته په اشارې ليکلي، که يوه لوبډله په لېوالتيا او د زړه له تله لوبه وکړي هر څه ترلاسه کولای شي.
نوموړي افغانستان ته د ننۍ بريا مبارکي ويلې او دغه بريا يې تاريخي ياده کړې.
د ده په خبره، د راشد خان غوره رهبري او د نوين ښه توپ اچونه د ننۍ بريا اصلي لاملونه وو.
افغانستان بنګلاديش په اته منډو مات کړ او د سږ کال نړۍوال جام نيمه پای لوبې ته يې لار پيدا کړه.
افغان لوبډله به په نيمه پای لوبه کې له سويلي افريقا سره خپل بخت ازمايي.
