(کوه نور، اسد ۳۰، ۱۴۰۴): د لیسټ ای ټورنمنټ د اتم پړاو د لوبو په دوام نن چهارشنبه د مس عینک او بست لوبډلو ترمنځ لوبه وشوه.
په دې لوبه کې مس عینک لوبډلې په پوره پنځوس اورونو کې د ۹ ویکټو په زیان سیالې لوبډلې ته ۳۰۶ هدف وټاکه.
د یادې لوبډلې په ګټه نوید عبید ۱۱۲، افسر ځاځي ۴۵، رحمان الله ځدران ۳۶، حسن عیسی خېل ۳۲، خالد تڼېوال ۲۹ او شاهد الله کمال ۲۴ منډې جوړې کړې.
د بست لوبډلې له اړخه توپ اچونه کې سعید شېرزاد، ضیاءالرحمن اکبر، یما عرب او اعجاز الحق دوه دوه ویکټې واخېستې.
بست لوبډلې په دویمه پاڼۍ کې په ۴۹،۵ اورونو کې د ۹ ویکټو په زیان ۳۰۲ منډې درلودې، چې وروستی لوبغاړی یی ونه توانېد چې څلوریزه ولوبوي او په وروستي توپ یی وېکټه له لاسه ورکړه او لوبډلې یی د ۳ منډو په توپېر ماتې ومنله.
د بست لپاره په توپ وهنه کې رحمت شاه ۸۳، ریاض حسن ۵۱، حضرت الله ځاځي ۴۷ او اعجازالحق ۲۹ تر نورو زیاتې منډې وکړې، چې ر وړاندې یی د مس عینک لپاره په توپ اچونه کې عبدالله تره خېل ۳، ظاهرخان ۲، دولت ځدران، خلیل احمد او شاهدالله یوه - یوه ویکټه واخېسته.
نوید عبید د نن لوبې غوره لوبغاړی وټاکل شو.
د یاد ټورنمنټ د لوبو په دوام سبا جمعه د اګسټ په ۲۲مه د بندامیر او سپین غر لوبډلو ترمنځ لوبه کېږي.
