د داخلي درملو انالز په يوه تحقيقي راپور کې ويلي، هغه کسان چې د پښتورګو اوږد مهاله ناروغي لري د هندواڼو خوړل ورته زيان لري.
د ياد راپور پر بنسټ هندواڼه چې د ګرمۍ په موسم کې تر نورو مېوو ډېره خوړل کيږي او په اړه يې عام باور دا دی چې روغتيا ته زيان نلري؛ خو داسې نده او د پښتورګو ناروغانو لپاره په دغه مېوه کې د زياتې اندازې پوتاشيم له امله په زيان ده.
د راپورنو له مخې د امريکا په متحده ايالتونو کې له هرو بل تنو يې څوارلس د پښتورګو په ناروغي اخته دي، د هندواڼې د خوراک په هکله ورته د احطياط سپارښتنه شوې.
هندواڼه چې په خپل ترکيب ۹۲٪ اوبه لري او د خلکو له لوري په اوړي کې د خوراک لپاره غوره ټاکنه ګڼل کيږي.
د سرچينې د معلوماتو له مخې د هندواڼې يوه ټوټه چې ۱۷.۵ آنچه اوږدوالي ولري، ۵ زره او ۶ ملي ګرامه پوتاشیم لري چې په عادي توګه دغه پوتاشیم د ټولې ورځې د اړتيا نيمايي برخه ده.
راپور زیاتوي، د پښتورګو د اوږده مهاله ناروغانو له لوري د هندواڼو ډېر خوراک د مرګ ګواښ پېښوي؛ خو تراوسه لږ خلک په دې هکله خبر دي.
