د کانونو او پټروليم وزارت وايي، په هېواد کې د نفتو استخراج په ورځني ډول ۱۳ سوه او ۵۰ ټنه دی.
د دغه وزارت د معلوماتو له مخې، اوسمهال په ټول هېواد کې ۲۴ څاه ګانې فعاله دي چې په راتلونکي کې به يې شمېر نور هم لوړ شي.
د سرچينې په خبره، د هېواد پر ۲۰۰ زره کيلو متره مربع ځمکه نفتي ساحې شته چې په پنځو حوزو وېشل شوې دي.
سرچينه زياتوي، له دغو حوزو یې يوازې د امو درياب نفتي حوزه فعاله ده.
د یاد وزارت د معلوماتو له مخې، په امو دریا نفتي حوزه کې د يوې چينايي کمپني له لورې د څاهګانو کېندلو کارونه دوام لري.
د يادونې ده چې په دغه نفتي حوزه کې به ۲۲ نوې څاه ګانې هم وکيندل شي او همداراز به دوې غیرې فعالې څاهګانې هم فعالې او استخراج به ورڅخه پیل شي.
