د هرات ولايت مسوولينو په يوه خبري غونډه کې ويلي، د څلورم پړاو غځولو او بشپړېدو وروسته به د روزنک سټېشن له لارې د سوداګريزو توکو د لېږد رالېږد لړۍ پيل کړي.
د دغه ولايت د رېل پټلۍ رييس وايي، د هرات _ خواف پټلۍ له لارې به د چابهار بندر، بندر عباس او د ترکيې بندرونو ته د ماليې په تخفيف سره سوداګريز توکي صادر کړي.
د ده په خبره ياده رېل پټلۍ په لومړي کال د سل زره ټنه سوداګريزو توکو او د سل زره مسافرو د لېږد ظرفيت لري.
ورته مهال د دغه رېل پټلۍ د امنيت مسوول ويلي، د رېل پټلۍ د امنيت ټينګښت لپاره يې څلور قطعې چې هر يوه يې له سلو ډېر سرتيري لري ګمارلي.
د مسوولينو په خبره د راتلونکي کال له پيله به د مسافرو تک راتګ هم د همدې رېل پټلۍ له لارې پيل شي.
مسولين وايي، د دغې رېل پټلۍ په فعالېدو سره به هرات د افغانستان په اقتصادي مرکز واوړي
