د کانونو او پټروليم وزارت وياند همايون افغان پر خپله اېکس پاڼه ليکلي، د پنجشېر له کانونو استخراج شوي (۳۳۸۶) قيراطه زمرد یې پلورلي.
د ده په خبره دغه دغه زمرد د هېواد ملي سوداګرو له لوري د ۲۰۰ او ۶۹ زره او ۵۵۹ امريکايي ډالرو په ارزښت اخيستل شوي دي.
د سرچيني په خبره تراوسه يې د پنجشېر له کانونو د ۴ ميليونه، ۲۸۷ زره او ۳۵۹ امريکايي ډالرو په ارزښت زمرد پلورلي چې پکې يوازې لس سلنه د سرپرست حکومت برخه وه او پاتي هغه يې د معدنکارانو ده چې ټول پنجشېر ولايت دي.
نوموړي دغه راز ويلي، په دغه کانونو کې لس زره تنه په کار هم بوخت دي.
نوموړي ويلي، د زمردو په دغه داوطلبي کې په لومړي ځل د پنجشېر ياقوت هم د سل زره امريکايي ډالرو په ارزښت پلورل شوي دي.
د پنجشېر ياقوت داسې مهال پلورل کيږي چې تازه سرپرست حکومت د جګدلک د ياقوتو کان د ۲۷ ميليونه امريکايي ډالرو په ارزښت په څلوېښت سلنه سهم د استخراج په موخه خصوصي سکتور ته وسپاره چې تر راتلونکو پنځلسو کلونو به ترې د استخراج چارې روانې وي.
