د عامې روغتیا وزارت وايي چې په کابل ښار کې د ۲۹۶ ميلیونه افغانيو په لګښت، د مور او ماشوم روغتون جوړ او ګټې اخیستنې تهوسپارل شو.
د دغه وزارت ویاند شرافت امرخېل وايي، چې دا روغتون په څلورو پوړونو کې په اساسي او معیاري ډول سره جوړ شوې او د میندو اوماشومانو درملنه به په کې ترسره شي.
نوموړی زیاتوي، چې د مور او ماشوم روغتون ۸۴ بسترونه لري، ۶۰ بسترونه یې د میندو او ۲۴ نور بسترونه یې د ماشومانو لپاره دي.
د عامې روغتیا وزیر ډاکټر قلندر عباد د دې روغتون جوړېدل د مور او ماشوم د مړینې د کچې په ټيټېدو کې مهم اقدام ګڼلی دی.
قلندر عباد ويلي، د مسلکي او متخصصو کسانو ګمارل د لومړنیو، ثانوي او ثالثي روغتیايي خدماتو د کیفیت ښه والی د روغتیاييکارکوونکو لپاره د زده کړو د زمینې برابرول، د لنډمهاله او اوږدمهاله کړنلارو او ستراتېژیک پلانونو جوړول د روغتونونو ارتقاء له هغه مواردوڅخه دي چې عملآ کار پرې جریان لري.
