د رياست الوزرا اقتصادي مرستیال، کابل کې د چين سفير تو نورو ګنو چارواکو نن کابل کې د نيله باغ پروژې د بنسټ ډبره کېښوده.
دغه پروژه چې د چين په مالي لګښت په درې کلونو کې جوړيږي ۷۱ ميليونه ډالره لګښت به پرې راشي.
اقتصادي مرستيال د دغې پروژې پيل د هېواد د ابادي په برخه کې مهم پرمختک ياد کړی او ويلي يي دي حکومت د دې پروژې په څېر د نورو پروژو په برخه کې هم د پام وړ کار کړی دی.
اقتصادي مرستال همداراز په هېواد کې اوسني شرايط د پانګونې وړ بللي او ويلي دي د کورنيو او بهرنيو پانګوالو لپاره يې د پانګونې زمینه برابره کړې ده.
ده همداراز دغې پروژې د پيل په برخه کې له چين مننه کړې او غوښتنه يې کړې چې دغه هېواد دې له افغانستان سره د يو ښه ګاونډي په توګه د سیمه يیز اتصال او نورو مهمو موضوعاتو کې په همغږي کار وکړي.
اقتصادي مرستيال همداراز د کور او ښار جوړولو وزارت او کابل ښاروالۍ غوښتي چې په کابل کې دې د تعميراتي پروژر ستونزو ته رسېدنه وکړي او د کار کولو اجازه دې ورکړي.
د يادونې ده چې دغه پروژه ۱۴۰۰ ودانۍ لري او په ۵۶ بلاکونو کې به جوړ او دولتي کارکوونکو ته به د استوګنې لپاره ورکړل شي.
