د کندز ولایت د رسنیو دفتر خبر ورکړی چې د یاد ولایت په اب دان دښته کې د صنعتي پارکونو د جوړولو لپاره ۱۰ جریبه ځمکه ځانګړې شوې ده.
خبرپاڼه کې راغلي چې په همدې تړاو جوړه شوې غونډه کې د کندز والي د صنعتي پارکونو لپاره د ځمکې د ثبت او بررسۍ لپاره له ټاکل شوي پلاوي سره لیدلي او د هغوئ کاري ګزارش یې اورېدلی دی.
خبرپاڼې د یاد پلاوي د غړو له قوله لیکلي چې دوی د خپلې بررسۍ او کتنو په پایله کې په اب دان دښته کې درې ځایونه انتخاب کړي و چې له یادو درې ځایونو به یو ځای چې ډېر مناسب وي د صنعتي پارکونو د جوړولو لپاره انتخاب شي.
په همدې تړاو جوړه شوې ناسته کې ددغه انتخاب شوو سیمو د ځانګړتیاو او نیمګړتیاو په هکله پوره بحث شوی او د مشورو او نظرونو له تبادلې وروسته په اب دان دښته کې د ټولګټو ریاست نوي ترازو ته مخامخ سیمه د دغه پارکونو لپاره مناسبه ښودل شوې ده.
