صنعت او سوداګرۍ وزارت په اېکس پاڼه لیکلي چې په کندهار کې د یاد ولایت د صنعت او سوداګرۍ خونې د ریئس په شتون کې د وطني تولیداتو او محصولاتو ملي نندارتون پرانېستل شوی دی.
دغه نندارتون د سېکارام احمدزي بازار موندنې شرکت لخوا پرانېستل شوی چې د پرانېستې په مراسمو کې یې د کندهار ولایت د ډېری ادارو مسوولانو او مشرانو هم ګډون کړی و.
د یاد شرکت مسوول د غونډې له ګډونوالو مننه وکړه او د سرپرست حکومت له مشرتابه یې خوښې وښودله چې سوداګرو او صنعت کارانو ته یې ۱۲۰ جریبه ځمکه ځانګړې ده.
د یادونې وړه ده چې په کندهار ملي نندارتون کې دا مهال ۱۰۰ غرفې فعالې دي چې درې ورځې به د یاد ولایت په شامي صالون کې دوام وکړي.
