په چین کې د افغانستان سفارت پر خپله اېکسپاڼه ليکلي، د افغانستان سفير د «وو وي» چينايي لوژیستکي کمپنۍ له مشر هونګ مينګ فنګ سره ليدلي.
دغه کمپنۍ چې له چين څخه روسيې او اروپا ته د رېل لارې د انتقالاتو په برخه کې کار کوي تازه يې په افغانستان کې هم د پانګونې چمتوالی ښودلی.
د دغې کمپنۍ مشر ويلي، په حیرتان او مزار کې به د ازادې سوداګرۍ د پراختيا په موخه لوژیستیک مرکزونه جوړ کړي دي.
ده همداراز ويلي، د چين او افغانستان ترمنځ له د مالونو د لېږد په برخه کې هم اسانتياوې رامنځته کړي دي.
ورته مهال بیا په چين کې د سرپرست حکومت سفير نوموړي ته د همکارۍ ډاډ ورکړی.
په دې وروستيو کې د ګڼو هېوادونو پانګوالو په افغانستان د پانګونې لپاره لېوالتيا ښودلې ده.
سرپرست حکومت هم بار بار د افغانستان اوسنی وضعیت د پانګونې لپاره مناسب بللی او پانګوالو لپاره یې د هر اړخيزه اسانتياوو د رامنځته کولو ډاډ ورکړی دی.
